FNB Classic Clash Valia vs HTS Vereeniging

(daar was fout met die oplaai van die fotos, hou die blog dop - sodra dit reg is gaan die fotos verskyn)
Deur Elsje Vermeulen

Die eerste rugbyspanne van HTS Vereeniging en HS Transvalia het op 17 Mei in 'n nuwe vyf-jaar FNB Classic Clash-reeks afgeskop.

Die vorige reeks is deur HS Transvalia gewen. Met die afskop van die nuwe reeks het dit gelyk of HTS Vereeniging goed op dreef was op dié nuwe reeks met 'n oorwinning te begin. Die Tekkies het met halftyd 'n gesonde 15-5 voorsprong geniet. Valia is kwaai onder druk geplaas op sy tuisveld, maar met die begin van die tweede helfde het hulle na 'n nuwe rat oorgeslaan.

Die Valia-manne het die agterstand laat krim en uiteindelik met 20-15 gewen. Die Tekkies het versuim om enige punte in die tweede helfde aan te teken.

Hopelik sal HTS Vereeniging volgende jaar op sy tuisveld sake gelyk maak. Vir meer aksie fotos besoek www.flickr.com/photos/snapattack2

HTS Vereeniging Sportdinee

Elsje Vermeulen

Die Hoër Tegniese Skool Vereeniging het op 13 Mei sy sesde jaarlikse sportdinee in die Vereeniging Stadsaal gehou en tien prag-sportgedenkwaardighede is opgeveil.

Sowat 500 mense het die geleentheid bygewoon. Niekie van den Berg, bekende radio-persoonlikheid was die gasspreker en Ray Dylan, een van SA se gewildste sangers, het vir die musiek gesorg.

"Ons is baie tevrede hoe die aand verloop het. Nogmaals 'n groot dank aan almal wat die skool ondersteun het," sê mev. Ilze van Heerden (organiseerder).

Hoewel die sportgedenkwaardighede nie sulke hoë pryse soos in die verlede behaal het nie, was die aand 'n groot sukses vir die skool.

Een van die items ('n Super 14 Bulls-trui), is vir R10 000 verkoop. Dié geld sal aangewend word om kinders van plaaslike kinderhuise op 'n see-vakansie te neem.

Twee ander items is elk vir R9 000 elk verkoop.

Oppiewal Music Festival

By Elsje Vermeulen
The popular Oppiewal Music Festival, hosted by the Emerald Casino Resort in Vanderbijlpark (Gauteng, South Africa) on Saturday, May 3 saw almost a thousand die-hard spectators taking on the cold and wet weather.
What was supposed to be a sunny day, turned out to be a wet winter's day and caused approximately 4 000 people to rather stay at home. Those who attended the show still had a ball. Some of South Africa's hottest acts turned on the heat. The likes of Nadine, Jak de Priester, Lianie May, Hugo, Bok van Blerk, Robbie Wessels and SA Idols finalist Munro and Andriëtte did not disappoint.
Hopefully the weather will play along better next year!